Í læru innan sølu?
Vit søkja eftir tænastusinnaðum sølulærlingi til okkara vaksandi virksemi at byrja sum skjótast, ella í summar, tá skúlin er liðugur.
Vit vænta, at tú hevur áhuga í sølu, ert fyrikomandi og ágrýtin, og fert hugaliga til verka. Tað er ein fyrimunur um tú hevur FHS prógv.
Tú kemur at starvast í bygningi okkara á Heykavegi 3 á Hálsi, har tú, saman við okkara starvsfólkatoymi, verður ein týðandi liður í dagliga virkseminum.
Vit bjóða tær eitt áhugavert lærustarv í einari fyritøku í støðugari menning. Vit hava eitt spennandi vøruúrval við fleiri enn 6000 vørur innan Veitslu- & køksvørur, Hegns- & urtagarðsvørur. Í okkara kundaskarða eru heilt frá vanliga føroyinginum til størri køkar, fyriskiparar av ymsum slag, tey, ið halda veitslur, bøndur, vinna og tað almenna.
Spurningar ella ivamál? Nærri kunning um læruplássið fæst við at venda sær til Bjørg Dam tlf. 211428 ella á teldupost bjorg@thomasdam.fo
Umsóknin, har tú fortelur eitt sindur um teg sjálvan, og hví tú søkir júst hjá okkum skal sendast, saman við prógvum til post@thomasdam.fo.
Freistin at søkja er 30. apríl. Allar umsóknir verða viðgjørdar í trúnaði.
Lærutíðin við FHS er 3 ár. Skúlagongdin er á Glasir. Les meir um útbúgvingina á www.yrkisdepilin.fo/utbugvingar/handil-og-skrivstova/soelufolk
Thomas Dam & Co varð stovnað í 1946 og hava vit síðani innflutt og framleitt vørur til privat og vinnu. Vit leggja okkum eftir funktionaliteti, haldbari og góðsku og vit stremba at hava besta úrval og tænastu til okkara kundar.
Thomas Dam á Hálsi
Heil- og smásøla
Heykavegur 3,
Tórshavn
Tel: 311400
post@thomasdam.fo
Heil- og smásøla
Heykavegur 3,
Tórshavn
Tel: 311400
post@thomasdam.fo