Keypstreytir

Keypstreytir 

Keypstreytirnar eru bert galdandi fyri keyp á heimasíðuni.

    1. Bílegging
    Bíleggingin verður vanliga avgreidd fyrsta arbeiðsdag eftir bílegging.
    Vørur, sum ikki eru á goymslu, verða bílagdar um møguligt. Spyr eftir veitingartíðini, um vørur eru útseldar.

    Bíleggingarváttan verður send, tá vit hava klárgjørt bíløgdu vørurnar til heintan ella útbering.

    Vinnu- og heilsølukundar
    Les um treytir og fyrimunirnar við at vera vinnukundi her.

        2. Prísir
        Allir prísir eru íroknaðir meirvirðisgjald, um annað ikki er tilskilað. Gjaldoyra er DKK. Fyrivarni verður tikið fyri prísvillum, óvanligum príshækkingum, óvantaðum øktum avgreiðslukostnaði og útseldum vørum. Kemur prísvilla fyri, rætta vit hetta skjótast gjørligt.


            3. Gjaldstreytir:
            Rindast kann við:
            1. Dankorti og Visa/Dankorti
            2. Kontant ella við kortið í handlinum á Hálsi
            3. Við at skuldskriva á konto hjá Thomas Dam á Hálsi. Send umbøn um at stovna konto

            Við rindan av gjaldskorti skal tú upplýsa kortnummar, útgongudag og kontrolsiffur. Harvið loyvir tú Thomas Dam á Hálsi at taka upphæddina av tínari konto. Samskifti við SSL (Secure Socket Layer) er krypterað, soleiðis at hvørki Thomas Dam á Hálsi ella annar óviðkomandi kann fáa fatur á tínum upplýsingum.

            4.Umbýting
            Sum góða kundatænastu kanst tú býta vøru um, ella lata vøru innaftur til Thomas Dam á Hálsi treytað av, at tú lýkur fylgjandi krøv:

            • At tú hevur kvittan við, sum vísir dato og kostnað á keypsdegnum,
            • At vøran er keypt hjá Thomas Dam á Hálsi,
            • At ikki meiri enn tólv dagar eru lidnir síðan keypsdagin,
            • At vøran er óbrúkt, lýtaleys og pakkað í upprunapakninginum, ið eisini er lýtaleysur.

            Fyri innlatna vøru, lata vit ein tilgóðarseðil, sum kann brúkast hjá Thomas Dam á Hálsi innan 2 ár. 

            Útsølu- og sertilboðsvørur

            Vøra, sum er keypt á útsølu, ella øðrum tilboði, kann ikki býtast um aftur, og peningur, ið er goldin fyri hana, verður ikki endurrindaður.

            Aðrar vørur
            Meturvøra og servøra, ið er bíløgd frá veitara heim til kunda ella framleidd til kunda, verður ikki umbýtt ella tikin aftur.  

            Serlig umbýtingartænasta fyri jólagávur
            Frá 1.november til og við 23.des. kanst tú biðja um at fáa eitt serligt jólamerki á príslepan ella vøruna. Hetta merkið gevur kundanum rætt til at býta vøruna um til og við fyrstkomandi 5.januar, ella fáa ein tilgóðarseðil fyri vøruna. Treytin er, at vøran er í uppruna innpakningi, óbrúk og lýtaleys.

            5. Útgjald av peningi fyri tilgóðarseðil og gávukort
            Vil kundin fáa pening útgoldnan fyri tilgóðarseðil ella gávukort, ber hettar væl til, tó verður eitt ómaksgjald á 50kr kravt. Les meir um heimild fyri ómaksgjald


              6. Heinta vøru / útbering
              Til ber at heinta vøruna í handli okkara á Heykavegi 3 á Hálsi í upplatingartíðini, sí niðast á síðuni.
              Vit senda vøru um alt landið. Útreiðslur av vøruútberingini verður eftir teimum til eina og hvørja tíð galdandi frakttakstum.
               

                  7. Manglar ella skødd vøra 
                  Vit stremba eftir at vøran er í góðum standi og væl innpakkað, men viðhvørt íkoma feilir ella skaðar.

                    Er feilur í vøruni, skalt tú innan fyri rímiliga tíð, eftir at feilurin er funnin, seta teg í samband við okkum. Tað gert tú við at senda teldupost og helst við mynd, har feilurin sæst til ordri@thomasdam.fo, ella við at koma í handilin á Heykavegi 3 á Hálsi við vøruni.

                    Reglurnar fyri manglar í keypilógini kunnu brúkast.
                    Hevur tú sum brúkari keypt vørur, hevur tú sambært reglunum í keypilógini 24 mánaðar klagurætt upp á allar vørur. Hetta merkir at tú kanst fáa vøruna umvælda, umbýtta, fáa avsláttur av prísinum, alt eftir tí ávísu støðuni ella fáa peningin aftur.  Tað er krav at klagan er heimilað, og at mangulin ikki er íkomin orsaka av skeivari nýtslu av vøruni ella av aðrari skaðaelvandi atferð.
                    Fyri vørur við avmarkaðari livitíð er tín klagurættur avmarkaður til vanligu livitíðina fyri ta ávísu vøruna.

                    Thomas Dam á Hálsi borgar ikki fyri garantium, ið eru givin av triðjamanni.

                    Er klagan heimilað, endurrinda vit tín (rímiliga) fraktkostnað. Vøran skal altíð sendast aftur í ráðiligum pakningi, og minst til at fáa eina kvittan fyri sendingina, so vit kunnu endurrinda tín fraktkostnað.

                    Ynskir tú at klaga um títt keyp, so kanst tú seta teg í samband við post@thomasdam.fo. Um tað ikki eydnast at finna eina loysn, kanst tú senda eina kæru til bruk@bruk.fo

                     

                    8. Persónsupplýsningar
                    Vit skráseta tínar persónsupplýsingar fyri at kunna veita bíløgdu vøruna til tín. Tú hevur altíð rætt til at fáa upplýst hvørjar upplýsingar um teg vit hava skrásettar. Vit goyma tínar upplýsningar í 5 ár. Ynskir tú upplýsningarnar strikaðar vinarliga send boð um hettar til post@thomasdam.fo. 

                    Tínar upplýsingar verða ikki givnar víðari ella seldar til ein triðja persón, tó verður títt navn, t-postur, adressa og fartelefonnummar givið víðari til flutningsfelag í sambandi við útbering.

                     

                    9. Samband við okkum
                    Thomas Dam á Hálsi
                    Heykavegur 3
                    Fo-100 Tórshavn.

                    Tlf: +298 311400
                    ordri@thomasdam.fo

                    ______________________________

                    Upplatingartíðir:
                    Køks- & Veitslubúð:
                    Mánadag - Fríggjadag: 10:00 - 17:30
                    Leygardag: 10:00 - 14:00

                    Hegns- & Náttúrubúð:
                    Mánadag - Fríggjadag: 09:00 - 17:30
                    Leygardag: 9:00 - 14:00