Umbýtingarrættur í fysiska handlinum

UMBÝTING OG AFTURBERING í fysiska handlinum
Vit vilja fegin hjálpa tær, um tú angrar eitt keyp. Tí bjóða vit tær at býta vøruna, fáa ein tilgóðarseðil ella fáa peningin aftur eftir treytunum niðanfyri.
Hetta er ein eyka tænasta, sum vit bjóða fyri vørur uttan brek ella manglar, ið eru keyptar í okkara handli.

21 DAGAR TIL UMBÝTING OG AFTURBERING
Vøran skal latast inn aftur innan 21 dagar frá keypsdegnum. Kvittanin skal vísast, og vøran skal vera óbrúkt, í upprunapakkninginum og í sama standi sum við keypið.
Tú kanst velja at:

1:Býta til aðra vøru uttan avgreiðslugjald.
2:Fáa ein tilgóðarseðil uttan avgreiðslugjald.
3:Fáa peningin aftur, har 50 kr. verða drignar frá í avgreiðslugjaldi.

HVÍ TAKA VIT AVGREIÐSLUGJALD?
Afturbering og afturgjalding krevja eyka arbeiði og umsiting. Vit hava valt at taka eitt gjald fyri hesa tænastuna, so útreiðslan verður borin av teimum, sum velja at fáa peningin aftur, heldur enn at býta hana á øll keyp.
Tú hevur framvegis møguleika at býta vøruna ella fáa ein tilgóðarseðil uttan avgreiðslugjald.

UNDANTØK
Tilboðsvørur, bíleggingarvørur, meturvørur og líknandi sertilgjørdar vørur verða ikki umbýttar ella tiknar aftur, tá tær eru uttan brek ella manglar.

BREK ELLA MANGUL Á VØRUNI?
Er brek ella mangul á vøruni, hjálpa vit tær við at viðgera málið sum eina reklamatión. Tá galda tíni rættindi sambært keypilógini 
Treytirnar omanfyri, herundir 21 daga freistin og avgreiðslugjaldið, avmarka ikki hesi rættindi.

GÁVUKORT OG TILGÓÐARSEÐLAR
Fyri útgjalding av gávukortum og tilgóðarseðlum galda serligar reglur. Set teg í samband við okkum fyri nærri kunning.

SPURNINGAR UM TREYTIRNAR?
Leiðslan hevur ásett hesar treytir við heimild í keypilógini og sambært vegleiðingini um elektronisk gávukort hjá brúkaraumboðnum. Starvsfólkini við kassan hjálpa tær við avgreiðsluni og fylgja treytunum.
Hevur tú viðmerkingar til reglurnar ella avgreiðslugjaldið, tekur leiðslan sær av teimum.

Telefon: 211428 · Teldupostur: post@thomasdam.fo

Vit hjálpa fegin og biðja øll um at vísa hvørjum øðrum virðing.

Leinkjur : https://www.bruk.fo/gjaldslog/elektronisk-gavukort


https://logir.fo/Lov/102-af-06-04-1906-om-Kob-som-senest-aendret-ved-lov-nr-147-af-4