Jakoti saksurin

Grikska familjan Pourikas, hevur sniðgivið, hondgjørt og pjøssað um Jakoti saksin seinastu 40 árini, tí er hann mentur nærmast til perfektión úr odd út í egg.

-Lyklaorðini eru minni handakraft, ergonomi og sjálvhvessandi.

Í Føroyum kenna vit Jakoti best sum góða ullarsaksin, men úti í heimi verður hann nýttur til alsskyns krevjandi og drúgvar klippiuppgávur.

Umframt at verða sjálvshvessandi, so ger fjøðurin at minni handakraft skal til at klippa. Ergonomiska sniðið ger, at saksurin liggur væl, eisini væl í lítlum hondum.

-Royn tín Jakoti næstu ferð tú skalt klippa runnar og gras.

-Saksurin heldur í nógv ár, um tú turkar hann væl hvørja ferð eftir brúk og smyr hann við olju ofta.

-Hondgjørdi saksurin hevur bløð úr hágóðsku kolevnisstáli, sum eru sjálvshvessandi, tí heldur hann sær hvassur leingi. Tó, so hevur hann gott av at verða hvestur viðhvørt.

Tað er lætt at hvessa saksin við okkara brýni frá Westmark, við einari grovari og einari fínari síðu.
- Strúk við lættari hond og byrja við grovaru síðuni 400 og enda við fínari síðuni 1000.
Smyr eitt sindur av WD-40 ella eina góða sýrufría olju á.

-Smyr saksin væl áðrenn tú pakkar hann niður eftir ársins royting. Hann goymist best í leðurhúsanum. - Vit viðmæla tó, at tú letur hann liggja frammi árið runt til allar tær avbjóðandi klippiuppgávurnar.

-Jakoti er so nógv meir, enn ein ullarsaksur!